എന്നെ മമ്മൂട്ടി ആക്കി മാറ്റിയത് നിങ്ങളും സംവിധായകരുമാണ് – മമ്മൂട്ടി

പേരൻപിൻറെ റിലീസിന് മുന്നോടിയായി കൊച്ചിയിൽ നടത്തിയ പ്രീമിയർ ഷോയിൽ മമ്മൂട്ടിയും സംവിധായകൻ റാമും സിനിമയുടെ മറ്റ് അണിയറപ്രവർത്തകരും മലയാളസിനിമയിലെ പ്രമുഖ താരങ്ങളും സംവിധായകരും അണിനിരന്നു. രഞ്ജിത്ത്, സത്യൻ അന്തിക്കാട്, ജോഷി, സിബി മലയിൽ, എസ്.എൻ.സ്വാമി, രണ്‍ജി പണിക്കർ, ലിജോ പെല്ലിശ്ശേരി, ഹനീഫ് അദേനി, നാദിർഷ, രമേശ് പിഷാരടി, രഞ്ജിത്ത് ശങ്കർ, ബാലചന്ദ്രൻ ചുള്ളിക്കാട്, അനുസിത്താര, അനുശ്രീ, നിമിഷ സജയൻ, സംയുക്ത വർമ്മ,ബി. ഉണ്ണികൃഷ്ണൻ, കമൽ,നിവിൻ പോളി തുടങ്ങി നിരവധി പ്രമുഖർ സന്നിഹിതരായിരുന്നു .പ്രത്യേക പ്രദർശനത്തിന് ശേഷം നടത്തിയ പരിപാടിയിൽ എന്തുകൊണ്ട് മമ്മൂട്ടിയെ പേരൻപിൽ തിരഞ്ഞെടുത്തു എന്ന ചോദ്യത്തിന് മമ്മൂട്ടിയുടെ മറുപടി ഇങ്ങനെ – “ഞാൻ ഇവിടെ അലഞ്ഞുതിരിഞ്ഞു നടന്നപ്പോഴല്ല റാം എന്നെ ഈ സിനിമയിലേക്ക് തിരഞ്ഞെടുക്കുന്നത്. എന്നെ മമ്മൂട്ടി ആക്കി മാറ്റിയത് നിങ്ങളും എന്റെ മുൻസിനിമകളുടെ സംവിധായകരുമാണ്.അല്ലാതെ എന്നെ ആര് അറിയാനാണ്. അതിനുശേഷമാണ് റാം എന്നെ തിരഞ്ഞെടുക്കുന്നത്.അതിനുള്ള ഓരോ ക്രെഡിറ്റും ഇവിടെയുള്ള സംവിധായകർക്കാണ്“. മലയാളത്തിന്റെ മഹാനടന്റെ വാക്കുകൾ നിറഞ്ഞ കയ്യടിയോടെയാണ് സദസ്സ് ഏറ്റെടുത്ത്.പേരൻപ് ഫെബ്രുവരി ഒന്നിന് തീയേറ്ററുകളിൽ എത്തും