മമ്മൂക്കയെ നായകനാക്കി രമേഷ് പിഷാരടി സംവിധാനം ചെയ്യുന്ന ഗാനഗന്ധർവന്റെ പൂജ എറണാകുളത്ത് നടന്നു.
മമ്മൂട്ടി, മുകേഷ്, സുരേഷ്‌കൃഷ്ണ, അബുസലിം, നായിക വന്ദിത, സംവിധായകൻ രമേഷ് പിഷാരടി, സംഗീത സംവിധായകൻ ദീപക് ദേവ്, നിർമ്മാതാവ് ആന്റോ ജോസഫ്, പ്രൊഡക്ഷൻ കൺട്രോളർ ബാദുഷ തുടങ്ങി ചലച്ചിത്ര രംഗത്തെ നിരവധി പേർ ചടങ്ങിൽ പങ്കെടുത്തു.
കൊച്ചിയിലെ ഹയാത്ത് ഹോട്ടലിൽ വച്ചായിരുന്നു പൂജാ ചടങ്ങുകൾ.
കലാസദൻ ഉല്ലാസ് എന്ന ഗാനമേള പാട്ടുകാരനായി വ്യത്യസ്തവും രസകരവുമായ വേഷത്തിലാണ് മമ്മൂട്ടി ഗാന ഗന്ധർവ്വനിൽ എത്തുന്നത്. സിദ്ധിഖ്, മനോജ് കെ ജയൻ , സുരേഷ് കൃഷ്ണ, സലിം കുമാർ, ദേവൻ, കുഞ്ചൻ, മണിയൻ പിള്ള രാജു, ഹരീഷ് കണാരൻ, ധർമജൻ, അശോകൻ, അതുല്യ, ശാന്തി തുടങ്ങിയവർ താരനിരയിലുണ്ട്.
ദീപക് ദേവ് സംഗീതം ഒരുക്കുന്നു. ക്യാമറ – അളഗപ്പൻ, എഡിറ്റിംഗ് – ലിജോ പോൾ, പ്രൊഡക്ഷൻ കൺട്രോളർ – ബാദുഷ.
