പാവാട എന്ന സൂപ്പര്ഹിറ്റ് ചിത്രത്തിനു ശേഷം ജി മാര്ത്താണ്ഡന് സംവിധാനം ചെയ്യുന്ന ചിത്രം ജോണി ജോണി എസ് അപ്പായിലെ പുതിയ വിഡിയോ ഗാനം പ്രേക്ഷക ശ്രദ്ധ നേടുന്നു. ഷാന് റഹ്മാൻ സംഗീതം നിർവഹിച്ചിരിക്കുന്ന ഗാനം സച്ചിന് വാര്യര് ആണ് ഗാനം ആലപിച്ചിരിക്കുന്നത്.
ചിത്രം ഒക്ടോബര് 26ന് തിയേറ്ററുകളിലെത്തും. അനു സിത്താരയാണ് നായിക. ചിത്രത്തില് ജോണിയായി കുഞ്ചാക്കോ ബോബനും ജൈസയായി അനു സിത്താരയുമാണ് വേഷമിടുന്നത്. മംമ്ത മോഹന്ദാസും അമല എന്ന മികച്ച കഥാപാത്രമായി വേഷമിടുന്നുണ്ട്.
മുഴുനീള കോമഡിയായാണ് ചിത്രം. ടിനി ടോം, ഷറഫുദീന്, അബുസലീം, എന്നിവരും പ്രധാന വേഷങ്ങളിലെത്തുന്നുണ്ട്. വെള്ളിമൂങ്ങ ഫെയിം ജോജി തോമസ് ആണ് തിരക്കഥ രചിക്കുന്നത്. ഷാന് റഹ്മാന് സംഗീത സംവിധാനം നിര്വഹിക്കും.
വിനോദ് ഇല്ലംപള്ളിയാണ് ഛായാഗ്രഹണം. ജോസഫ് നെല്ലിക്കല് കലാസംവിധാനവും ലിജോപോള് ചിത്രത്തിന്റെ സംയോജനവും നിര്വഹിക്കും. ഡിക്സണ് പൊഡുത്താസാണ് പ്രൊഡക്ഷന് കണ്ട്രോളര്. പ്രൊഡക്ഷന് എക്സിക്യൂട്ടീവ്: സതീഷ് കാവില്കോട്ട്.
