പുതുവർഷത്തിൽ ആവേശം നിറച്ച് മെഗാ സ്റ്റാർ

ജോണ്‍ എബ്രഹാം പാലക്കല്‍ എന്ന കഥാപാത്രമായി മെഗാസ്റ്റാർ വെള്ളിത്തിയിലെത്തുന്ന പതിനെട്ടാം പടിയുടെ പോസ്റ്റർ തരംഗമാകുന്നു.ശങ്കര്‍ രാമകൃഷ്ണന്‍ സംവിധാനം ചെയ്യുന്ന ചിത്രത്തിന്റെ പോസ്റ്റർ മലയാള സിനിമാ പ്രേക്ഷകർക്ക് പുതുവർഷ സമ്മാനമായി.ഓഗസ്റ്റ് സിനിമാസ് നിര്‍മിക്കുന്ന ചിത്രത്തിന് കെച്ച കെംബഡികെ ആണ് ആക്ഷൻ ഒരുക്കുന്നത് . 60ല്‍ അധികം പുതുമുഖങ്ങളെ അവതരിപ്പിക്കുന്ന ചിത്രമായിരുക്കും ഇത്. ചരിത്രം സൃഷ്ടിച്ച സി.ബി.ഐ സീരീസിലെ അഞ്ചാമത്തെ ചിത്രത്തിന്റെ പ്രവർത്തനങ്ങൾ നടക്കുന്നതായി സംവിധായകൻ കെ.മധു അറിയിച്ചത് ആരാധകർക്ക് ഇരട്ടി മധുരമായി. മമ്മൂട്ടി -എസ്. എൻ . സ്വാമി- കെ.മധു കൂട്ടുകെട്ടിൽ പിറന്ന സി.ബി. ഐ ചിത്രങ്ങളിലെ സേതുരാമയ്യർ എന്ന കഥാപാത്രം ഒരിക്കൽ കൂടി വെളളിത്തിരയിൽ എത്തുകയാണ് ഈ ചിത്രത്തിലൂടെ. അഭ്യൂഹങ്ങൾക്ക് വിട നൽകി മാമാങ്കം എന്ന ബ്രഹ്‌മാണ്ഡ ചിത്രത്തിന്റെ അടുത്ത ഷെഡ്യൂൾ സംബന്ധിച്ച വിവരങ്ങൾ നിർമാതാക്കൾ പുറത്തു വിടുമ്പോൾ ആരാധകർക്കൊപ്പം സിനിമാ പ്രേമികളും ആവേശത്തിലാണ്. മഹാനടന്റെ വിസ്മയ അഭിനയ മുഹൂർത്തങ്ങൾക്കായി ആകാംക്ഷയോടെ കാത്തിരിക്കുന്ന പ്രേക്ഷകരുടെ മുന്നിലേക്ക് യാത്ര, പേരൻപ് എന്നീ ചിത്രങ്ങൾ ഫെബ്രുവരിയിൽ പ്രദർശനത്തിനെത്തും. ഉണ്ട, മധുര രാജ, ഗാന ഗന്ധർവ്വൻ, ബിലാൽ, അമീർ, കോട്ടയം കുഞ്ഞച്ചൻ-2 തുടങ്ങിയ ഗംഭീര പ്രൊജക്ടുൾ അണിയറയിൽ ഒരുങ്ങുകയാണ്.  ഒരേ സമയം കലാമൂല്യമുള്ള ചിത്രങ്ങളുടേയും വാണിജ്യ സിനിമകളുടെയും ഭാഗമായി മലയാള സിനിമയുടെ താര സിംഹാസനത്തിൽ കൂടുതൽ കരുത്തോടെ നിലയുറപ്പിക്കുകയാണ് മെഗാസ്റ്റാർ.