ജോഷി സംവിധാനം ചെയ്യുന്ന ചിത്രത്തിൽ പൊറിഞ്ചുവായി ജോജുവും ജോസായി ചെമ്പൻ വിനോദും മറിയമായി നൈല ഉഷയും എത്തുന്നു.
നാലു വർഷത്തെ ഇടവേളയ്ക്ക് ശേഷം മലയാളത്തിന്റെ മാസ്റ്റർ ക്രാഫ്റ്റ്മാൻ ജോഷി ഒരുക്കുന്ന പൊറിഞ്ചു മറിയം ജോസ് നാളെ തിയേറ്ററുകളിൽ എത്തും. പൊറിഞ്ചുവായി ജോജു ജോർജ്ജും മറിയം ആയി നൈല ഉഷയും ജോസായി ചെമ്പൻ വിനോദും തകർത്തഭിനയിക്കുന്ന ചിത്രത്തിന്റെ ട്രെയിലർ ഇതിനകം ഏറെ ശ്രദ്ധിക്കപ്പെട്ടിരുന്നു. ജോഷിയുടെ മറ്റൊരു മാസ് എന്റെർറ്റൈനെറാകും ചിത്രം എന്നാണു ട്രെയിലർ നൽകുന്ന സൂചന.
ഡേവിഡ് കാച്ചപ്പിള്ളി അവതരിപ്പിക്കുന്ന ചിത്രം അപ്പു പാത്തു പപ്പു ഫിലിംസും കീർത്തന ഫിലിംസും ചേർന്നാണ് നിർമ്മിക്കുന്നത്.
വേൾഡ് വൈഡ് റിലീസായി പ്രദർശനത്തിനെത്തുന്നു ചിത്രം ജിസിസിയിൽ ഫാർസ് ഫിലിംസാണ് വിതരണം ചെയ്യുന്നത്. കേരളത്തിൽ ചാന്ദ് വി ക്രിയേഷൻസാണ് വിതരണം.
നവാഗതനായ അഭിലാഷ് എൻ ചന്ദ്രൻ തിരക്കഥയൊരുക്കുന്ന ചിത്രത്തിന് ജാക്സ് ബിനോയ്‌ സംഗീതമൊരുക്കുന്നു.
