പ്രേക്ഷകരുടെയും നിരൂപകരുടെയും പ്രശംസ ഒരുപോലെ പിടിച്ചു പറ്റി വിജയം നേടിയ ‘ടേക്ക് ഓഫ്’ എന്ന ചിത്രത്തിന് ശേഷം മഹേഷ് നാരായണൻ സംവിധാനം ചെയ്യുന്ന സിനിമയിൽ ദുൽഖർ സൽമാൻ നായകനാകുന്നു. ചിത്രത്തിന്റെ പ്രീ പ്രൊഡക്ഷൻ വർക്കുകൾ പുരോഗമിക്കുന്നു. ഗോപി സുന്ദറാണ് ഈ ചിത്രത്തിന് സംഗീതം ഒരുക്കുക. 2019 ഫെബ്രുവരിയിൽ ചിത്രീകരണം ആരംഭിക്കുമെന്നാണ് സൂചന. നവാഗതനായ ബി.സി നൗഫൽ സംവിധാനം ചെയ്യുന്ന ‘ഒരു എമണ്ടൻ പ്രേമകഥ’ ആണ് ഇനി റിലീസ് ചെയ്യുന്ന ദുൽഖറിന്റെ മലയാള ചിത്രം. നിഖില വിമൽ, സംയുക്ത മേനോൻ എന്നിവരാണ് ഈ ചിത്രത്തിൽ നായികമാർ.