മെട്രോമാൻ ഇ. ശ്രീധരന്റെ ജീവിതം സിനിമയാകുന്നു. ജയസൂര്യയാണ് ചിത്രത്തില് ഇ. ശ്രീധരനായി വേഷമിടുന്നത്.
വി കെ പ്രകാശ് സംവിധാനം ചെയ്യുന്ന സിനിമയുടെ പേരും ഫസ്റ്റ് ലുക്ക് പോസ്റ്ററും പൊന്നാനിയിലെ ഇ വി ശ്രീധരന്റെ വീട്ടിൽ വച്ച് ചൊവ്വാഴ്ച പുറത്തിറക്കി. രാമസേതു എന്നാണു ചിത്രത്തിന്റെ പേര്.
1964ലെ പാമ്പന് പാലം പുനര്നിര്മാണം മുതല് കൊച്ചി മെട്രോവരെ നീളുന്ന ഔദ്യോഗിക ജീവിതകാലമാണ് സിനിമയുടെ പശ്ചാത്തലം. 30 വയസ്സുകാരനായ ഇ.ശ്രീധരനില് തുടങ്ങുന്ന കഥ കൊച്ചി മെട്രോ നിര്മാണത്തില് ഏര്പ്പെടുന്ന എണ്പത്തേഴുകാരനായ മെട്രോമാനിലേക്ക് നീളുന്നു.
പാമ്പന് നിര്മാണകാലത്തില് തുടങ്ങി കൊച്ചി കപ്പല്ശാല, കൊങ്കണ്, ദല്ഹി മെട്രോ നിര്മാണകാലങ്ങളിലൂടെയും സിനിമ സഞ്ചരിക്കുന്നുണ്ട്. സുരേഷ്ബാബുവാണ് കഥാകൃത്ത്. നിര്മാതാവ് അരുണ് നാരായണന്. ഇന്ദ്രന്സ് മറ്റൊരു പ്രധാന വേഷം ചെയ്യും.
സിനിമയില് പ്രധാന വേഷം ചെയ്യുന്ന ജയസൂര്യ കഴിഞ്ഞയാഴ്ച പൊന്നാനിയിലെ വീട്ടിലെത്തി ഇ.ശ്രീധരനെ കണ്ടിരുന്നു. സിനിമയുമായി ബന്ധമൊന്നുമില്ലെങ്കിലും ജയസൂര്യയുടെയും അണിയറപ്രവര്ത്തകരുടെയും ആവശ്യപ്രകാരം സിനിമയ്ക്ക് എല്ലാ പിന്തുണയും നല്കുമെന്ന് ഇ.ശ്രീധരന് അറിയിച്ചു.
35 വര്ഷംമുമ്പാണ് താന് അവസാനമായി സിനിമ കണ്ടതെന്നും അദ്ദേഹം പറഞ്ഞു. ചൊവ്വാഴ്ച പൊന്നാനിയില് ശ്രീധരന്റെ വീട്ടില് നടന്ന ചടങ്ങില് സംവിധായകന് വി.കെ പ്രകാശ്, ജയസൂര്യ, അരുണ് നാരായണന്, കഥാകൃത്ത് സുരേഷ്ബാബു തുടങ്ങിയവര് പങ്കെടുത്തു.
.
ജനുവരിയില് ചിത്രീകരണം തുടങ്ങി 2020 വിഷുവിന് ചിത്രം തിയറ്ററില് എത്തിക്കാനാണ് അണിയറപ്രവര്ത്തകള് ആലോചിക്കുന്നത്.
