വിദേശ മേളകളിൽ അടക്കം പ്രേക്ഷകരുടേയും നിരൂപകരുടേയും മുക്തകണ്oമായ പ്രശംസ പിടിച്ചു പറ്റിയ പേരൻപ് ഫെബ്രുവരിയിൽ ലോകമെമ്പാടും പ്രദർശനത്തിനെത്തുന്നു. മലയാളത്തിന്റെ മഹാനടൻ അമുദൻ എന്ന കഥാപാത്രമായെത്തുന്ന ചിത്രത്തിന്റെ തമിഴ് പതിപ്പാണ് പ്രദർശനത്തിനെത്തുക. റാം സംവിധാനം ചെയ്ത പേരൻപിന് ഗോവയിൽ നടന്ന അന്താരാഷ്ട്ര ചലച്ചിത്രമേളയിലും ഷാങ്ഹായ്, റോട്ടർഡാം തുടങ്ങിയ ലോക പ്രശസ്തങ്ങളായ അന്തർദേശീയ ചലച്ചിത്ര മേളകളിലും ഗംഭീര വരവേൽപ്പാണ് ലഭിച്ചിരുന്നത്. അതിശയിപ്പിക്കുന്ന വേഷപ്പകർച്ചകളിലൂടെ നിരവധി വിസ്മയ കഥാപാത്രങ്ങൾ അനശ്വരമാക്കിയ മലയാളത്തിന്റെ മഹാ നടൻ സ്പാസ്റ്റിക് പരാലിസിസ് രോഗ ബാധിതയായ ഒരു പെൺകുട്ടിയുടെ അച്ഛനായാണ് പേരൻപിൽ വേഷമിടുന്നത്. രക്ഷിതാവ് എന്ന നിലയില്‍ അമുദന്‍ നേരിടുന്ന മാനസിക സംഘര്‍ഷങ്ങളെ അതി ഗംഭീരമായാണ് മമ്മൂട്ടി അവതരിപ്പിച്ചിരിക്കുന്നത്.പേരൻപ് ശ്രീ രാജലക്ഷ്മി ഫിലിംസിന്റെ ബാനറിൽ തേനപ്പനാണ് നിർമ്മിച്ചിരിക്കുന്നത്.
മഹി വി രാഘവ് സംവിധാനം ചെയ്യുന്ന തെലുഗ് ചിത്രം യാത്രയും ഫെബ്രുവരിയിൽ വെള്ളിത്തിരയിലെത്തുമ്പോൾ മലയാളത്തിന്റെ മഹാനടനിലൂടെ വീണ്ടും മലയാള സിനിമ ഉയരങ്ങൾ കീഴടക്കാനൊരുങ്ങുകയാണ്
