രാജ്യാന്തര ചലച്ചിത്ര മേളയിൽ മലയാളത്തിന്റെ യശസ് ഉയർത്തി അച്ഛനും മകനും

അടുത്ത മാസം ഗോവയിൽ നടക്കുന്ന നാൽപ്പത്തി ഒൻപതാമത് ഇന്റർനാഷണൽ ഫിലിം ഫെസ്റ്റിവലിൽ (IFFI) ഇന്ത്യൻ പനോരമ വിഭാഗത്തിൽ മമ്മൂട്ടി നായകനായ പേരൻപും കീർത്തിസുരേഷും ദുൽഖറും അഭിനയിച്ച മഹാനടിയും.അച്ഛനും മകനും അഭിനയിക്കുന്ന രണ്ടു ചിത്രങ്ങൾ വിഖ്യാതമായ IFFI ൽ പ്രദർശിപ്പിക്കുന്നു എന്നതിന് പുറമേ ഈ ചിത്രങ്ങൾ അന്യ ഭാഷകളിലാണ് എന്നതും സവിശേഷതയാണ്.ഷാങ്ഹായ്, റോട്ടർഡാം തുടങ്ങിയ അന്തർദേശീയ ചലച്ചിത്ര മേളകളിൽ പ്രദർശിപ്പിച്ച പേരൻപിന് നിരൂപകരുടെയും പ്രേക്ഷകരുടെയും മുക്തകണ്ഠമായ പ്രശംസ പിടിച്ചുപറ്റാൻ സാധിച്ചിരുന്നു. മഹാ നടിയും ഗംഭീര അഭിപ്രായം നേടിയ ചിത്രമാണ്.മലയാള സിനിമയ്ക്ക് തികച്ചും അഭിമാനകരമായ നേട്ടമാണിത്.