ജോൺ എബ്രഹാം പാലക്കൽ, ആഗസ്റ്റ് സിനിമാസിന്റെ ബാനറിൽ ഷാജി നടേശൻ നിർമ്മിച്ച് ശങ്കർ രാമകൃഷ്ണൻ തിരക്കഥയൊരുക്കി സംവിധാനം ചെയ്യുന്ന ‘പതിനെട്ടാം പടി’യിലെ മെഗാസ്റ്റാറിന്റെ കിടിലൻ കഥാപാത്രം. ലുക്കിലും ഗെറ്റപ്പിലും വ്യത്യസ്തമായ മേക്കോവറുമായി മമ്മൂട്ടി എത്തുന്ന ‘ജോൺ എബ്രഹാം പാലക്കലി’ന് സംഘട്ടനം ഒരുക്കാൻ അമൽ നീരദിന്റെ ‘വരത്തന്’ ത്രസിപ്പിക്കുന്ന ആക്ഷൻ രംഗങ്ങൾ ഒരുക്കിയ സുപ്രീം സുന്ദർ എത്തുന്നു. മമ്മൂട്ടിയുടെ കിടിലം സംഘട്ടന രംഗം ഈ ചിത്രത്തിൽ കാണാം.
മാർച്ച് 16-ന് മമ്മൂട്ടി ‘പതിനെട്ടാം പടി’യുടെ സെക്കൻഡ് ഷെഡ്യൂളിൽ ജോയിൻ ചെയ്യും. ‘ഉണ്ട’യുടെ വയനാട് ഷെഡ്യൂൾ പൂർത്തിയാക്കിയ മമ്മൂട്ടി കുറച്ചു ദിവസം ചൈനയിലും ദുബൈയിലും ചെലവഴിച്ച ശേഷമാണ് വീണ്ടും ക്യാമറക്കു മുൻപിലെത്തുന്നത്. താടി വളർത്തിയ പുതിയ ലുക്കിലാണ് താരം നാട്ടിൽ എത്തുക. ‘മാമാങ്ക’ത്തിന്റെ പുതിയ ഷെഡ്യൂളിലും ‘പതിനെട്ടാം പടി’യിലും താടി വച്ചാണ് താരം പ്രത്യക്ഷപ്പെടുന്നത്. കൂടാതെ പൃഥ്വിരാജ് സുകുമാരൻ, ആര്യ, ടോവിനോ തോമസ് തുടങ്ങിയ വമ്പൻ താരനിര തന്നെ ഈ ചിത്രത്തിൽ അണിനിരക്കുന്നു.