25ാമത് വൈക്കം മുഹമ്മദ് ബഷീർ പുരസ്കാരം മലയാളത്തിന്റെ സ്വന്തം നടൻ മമ്മൂട്ടിക്ക്. ഖത്തറിലെ ‘പ്രവാസി ദോഹ’യും കൊച്ചിയിലെ പ്രവാസി ട്രസ്റ്റും മഹാനായ എഴുത്തുകാരൻ വൈക്കം മുഹമ്മദ് ബഷീറിന്റെ സ്മരണാർത്ഥം ഏർപ്പെടുത്തിയതാണ് ഈ പുരസ്കാരം. ആർട്ടിസ്റ്റ് നമ്പൂതിരി രൂപകൽപ്പന ചെയ്ത ഗ്രാമഫോൺ ശിൽപവും 50,000 രൂപയും പ്രശസ്തിപത്രവുമടങ്ങുന്ന പുരസ്കാരം പ്രശസ്ത സാഹിത്യകാരൻ എം.ടി വാസുദേവൻ നായർ സമ്മാനിക്കും. പുരസ്കാര വിതരണ തിയ്യതി പിന്നീടറിയിക്കും.ഇതോടൊപ്പം പുരസ്കാര ജേതാവിന്റെ നാട്ടില് പഠനത്തില് മികവ് കാണിക്കുന്ന സാമ്പത്തികമായി പിന്നോക്കം നില്ക്കുന്ന ഒരു വിദ്യാര്ത്ഥിക്ക് 15,000 രൂപയുടെ പ്രൊഫ.എം.എന് വിജയന് സ്കോളര്ഷിപ്പും നല്കുമെന്ന് പ്രവാസി ട്രസ്റ്റ് കൊച്ചി മാനേജിങ് ട്രസ്റ്റി ബാബു മേത്തര് അറിയിച്ചു.
വൈക്കം മുഹമ്മദ് ബഷീറിന്റെ ആത്മകഥാംശമടങ്ങിയ മതിലുകൾ എന്ന കൃതി വിഖ്യാത സംവിധായകൻ അടൂർ ഗോപാലകൃഷ്ണൻ സിനിമയാക്കിയപ്പോൾ അതിൽ ബഷീർ ആയി വേഷമിട്ടത് മമ്മൂട്ടിയാണ്.
