ഓർമ്മകൾ ഉറങ്ങുന്ന ആ പഴയ 507 നമ്പർ മുറിയിൽ മമ്മൂട്ടി വീണ്ടും എത്തിയപ്പോൾ

24 വർഷങ്ങൾ താൻ തലസ്ഥാനനഗരിയിൽ എത്തുമ്പോഴെല്ലാം താമസിച്ചിരുന്ന പങ്കജ് ഹോട്ടലിലെ ആ 507-ആം നമ്പർ മുറി തേടി വർഷങ്ങൾക്കിപ്പുറം മലയാളത്തിന്റെ മെഗാസ്റ്റാർ മമ്മൂട്ടി എത്തിയപ്പോൾ അത് ഗൃഹാതുരതയുണർത്തുന്ന ഓർമ്മകൾക്കൊപ്പം താരത്തിന് അത് കൗതുകം കൂടിയായി മാറി. എന്നാൽ ഇതേ മുറി മറ്റാർക്കും ഇതുവരെ കൊടുത്തിട്ടില്ലെന്ന ഹോട്ടൽ ഉടമയും മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ രൂപീകരിച്ചപ്പോൾ രക്ഷാധികാരിയായി ദീർഘകാലം പ്രവർത്തിച്ചിട്ടുള്ളതുമായ ചന്ദ്രസേനൻ നായരുടെ വാക്കുകൾ എല്ലാവരിലും അതിശയം ഉളവാക്കി.

മമ്മൂട്ടി താമസിച്ച കാലയളവിലെ കട്ടിലും സോഫയുമൊക്കെ പഴയ പോലെ തന്നെ ഇവിടെ സൂക്ഷിച്ചിട്ടുണ്ട്. തന്റെ സിനിമാജീവിതത്തിന്റെ 24 വർഷങ്ങൾക്ക് ഈ മുറിയുമായി ബന്ധമുണ്ടെന്നും അതിനാൽ തനിക്ക് ഇവിടെ കുടികിടപ്പ് അവകാശം ഉണ്ടെന്നും കമന്റ് ചെയ്താണ് മമ്മൂട്ടി തിരിച്ചുപോയത്.