Connect with us

Hi, what are you looking for?

Exclusive

മുത്തങ്ങാ സംഭവം പുറം ലോകമറിയാൻ കാരണം മമ്മൂട്ടി- രഞ്ജൻ പ്രമോദ്

മീശ മാധവൻ, അച്ചുവിന്റെ അമ്മ, മനസ്സിനക്കരെ, നരൻ, രക്ഷാധികാരി ബൈജു തുടങ്ങിയ വമ്പൻ വിജയങ്ങൾ സൃഷ്ടിച്ച തിരക്കഥാകൃത്തും സംവിധായകനുമാണ് രഞ്ജൻ പ്രമോദ്. ദിലീപ്, മോഹൻലാൽ, ബിജു മേനോൻ, ജയറാം തുടങ്ങിയ പ്രമുഖ താരങ്ങളെല്ലാം രഞ്ജൻ പ്രമോദ് രചന നിർവഹിച്ച സിനിമകളിൽ ശ്രദ്ധേയ കഥാപാത്രങ്ങളായെത്തി. മലയാളത്തിൽ സൂപ്പർ ഹിറ്റ് സിനിമകൾ ഒരുക്കിയ രഞ്ജൻ പ്രമോദ് മമ്മൂട്ടിയുമായി ഒരുമിച്ച ഒരു സിനിമ ഇതുവരെ സംഭവിച്ചിട്ടില്ല. വൻ വിജയമായ നരൻ എന്ന സിനിമയിൽ മമ്മൂട്ടിയെയാണ് ആദ്യം നായക വേഷത്തിൽ പരിഗണിച്ചിരുന്നതെന്ന് രഞ്ജൻ പ്രമോദ് മമ്മൂട്ടി ടൈംസിന് നൽകിയ അഭിമുഖത്തിൽ പറഞ്ഞിരുന്നു. തന്റെ സിനിമകളിൽ അഭിനയിച്ചിട്ടുള്ള താരങ്ങളുമായുള്ളതിലധികം ആത്മബന്ധം മമ്മൂട്ടിയുമായിട്ടുണ്ട് എന്ന് രഞ്ജൻ പ്രമോദ് പറയുന്നു. മമ്മൂട്ടി ടൈംസ് അവതരിപ്പിക്കുന്ന ‘മമ്മൂട്ടിയും ഞാനും’ എന്ന പരിപാടിയിൽ പങ്കെടുത്തുകൊണ്ടാണ് അദ്ദേഹം ഇക്കാര്യം പറഞ്ഞത്. നേരം എന്ന സിനിമയുടെ തിരക്കഥാ രചനാവേളയിൽ ഒരു രംഗത്തെക്കുറിച്ചുള്ള ആശയക്കുഴപ്പം പരിഹരിക്കാൻ മമ്മൂട്ടി സഹായിച്ചതായും അദ്ദേഹം സൂചിപ്പിച്ചു.

കേരളത്തിന്റെ മനഃസാക്ഷിയെ പിടിച്ചു കുലുക്കിയ മുത്തങ്ങാ സംഭവം പുറം ലോകം അറിയാൻ കാരണം മമ്മൂട്ടി ആണെന്ന് രഞ്ജൻ പ്രമോദ് പറയുന്നു. മുത്തങ്ങാ സംഭവം നടക്കുന്ന സമയത്ത് അവിടെ നിന്നും ഈ വിവരം ഒരാൾ വിളിച്ചു പറഞ്ഞു. എന്തെങ്കിലും ചെയ്യാൻ സാധിക്കുമോ എന്ന ചോദിച്ചപ്പോൾ കൈരളി ചെയർമാൻ കൂടിയായ മമ്മൂട്ടിയെ വിളിക്കാനാണ് തനിക്ക് പെട്ടെന്ന് തോന്നിയത്. അദ്ദേഹത്തെ വിളിച്ചപ്പോൾ ഇതിനെക്കുറിച്ചുള്ള കൂടുതൽ വിവരങ്ങൾ ആരാഞ്ഞു. തുടർന്ന് കൈരളി ടി.വിയാണ് ആ സംഭവങ്ങൾ ആദ്യം റിപ്പോർട്ട് ചെയ്തതെന്നും ഇത് മമ്മൂട്ടിയുടെ ഇടപെടൽ കൊണ്ടാണെന്ന് താൻ വിശ്വസിക്കുന്നതായും രഞ്ജൻ പ്രമോദ് പറഞ്ഞു. മമ്മൂട്ടി എന്ന വ്യക്തിയുടെ കരുതലിനേയും സ്നേഹത്തേയും കുറിച്ചൊക്കെ ഈ അഭിമുഖത്തിൽ രഞ്ജൻ പ്രമോദ് മനസ്സ് തുറക്കുന്നുണ്ട്.

Click to comment

Leave a Reply

Your email address will not be published. Required fields are marked *

Advertisement

Related Articles

Film News

മുരളി ഗോപിയുടെ രചനയിൽ ഒരുങ്ങുന്ന മമ്മൂട്ടി ചിത്രത്തെക്കുറിച്ചുള്ള വാർത്ത ഏറെ ആവേശത്തോടെയാണ് ചലച്ചിത്രപ്രേമികൾ സ്വീകരിച്ചത്. ഇപ്പോഴിതാ ചിത്രത്തിന്റെ സംവിധായകനൊപ്പമുള്ള ചിത്രം പങ്കുവെച്ച്‌ നവാഗതനായ ഷിബു ബഷീറിനെ പരിചയപ്പെടുത്തിയിരിക്കുകയാണ് മുരളി ഗോപി.”നവാഗത സംവിധായകൻ ഷിബു...

Latest News

മമ്മൂട്ടിയുടെ രാഷ്ട്രീയ പ്രവേശനവും തിരഞ്ഞെടുപ്പിലെ സ്ഥാനാർത്ഥിത്വവും മിക്ക തിരഞ്ഞെടുപ്പുകളിലും മാധ്യമങ്ങളിൽ നിറയാറുണ്ട്. വരാനിരിക്കുന്ന നിയമസഭാ തിരഞ്ഞെടുപ്പിനെ മുൻ നിർത്തിയും ഇത്തരത്തിൽ ചർച്ചകൾ ഉയർന്നു വന്നിരുന്നു . സിനിമ മേഖലയില്‍ നിന്നുള്ളവര്‍ രാഷ്ടീയത്തില്‍ ഇറങ്ങുന്നതിനെ...

Latest News

മുരളി ഗോപിയുടെ തിരക്കഥയിൽ നവാഗതനായ ഷിബു ബഷീർ സംവിധാനം ചെയ്യുന്ന ബിഗ് ബഡ്‌ജറ്റ്‌ ചിത്രത്തെക്കുറിച്ചുള്ള വാർത്ത സിനിമാ പ്രേമികൾ ആവേശത്തോടെയാണ് സ്വീകരിച്ചത്. വിജയ് ബാബു നിർമിക്കുന്ന ആദ്യ മമ്മൂട്ടിച്ചിത്രം കൂടിയാണ് ഇത്. മമ്മൂട്ടിയെ...

Features

പതിറ്റാണ്ടിലെ മലയാള സിനിമയുടെ കണക്കെടുപ്പുകളും ചർച്ചകളും മാധ്യമങ്ങളും ചലച്ചിത്ര നിരൂപകരും പ്രേക്ഷകരും തുടരുകയാണ്. എണ്ണം പറഞ്ഞ വാണിജ്യ വിജയങ്ങളും മികച്ച കഥാപാത്രങ്ങളുമായി മലയാളത്തിന്റെ മഹാനടൻ നിറഞ്ഞു നിന്ന പത്ത് ചലച്ചിത്ര വർഷങ്ങളാണ് കടന്നു...

© Copyright 2021 Mammootty Times | Designed & Managed by KP.A